تشخيص مو شخصنة

من زمان عن ساحة الآراء المشكلجية من لما تركت حسابي العام بتويتر , حتى ماعاد أناقش لإني ببساطة أبغى اشتري راحتي و مستمتعة بالتجربة الحلوة العالم can burn tehe 🤭

عموماً في الواقع الوضع مختلف ويومياً الإنسان يواجه تحديات و تو ماي سيربرايز ان الناس بالواقع أكثر مرونة و عقلانية و مُطاوعة وهدوء و تقبل و أرجع هذا الشيء لأننا نتواصل تواصل بشري طبيعي

أقصد ان نبرة الصوت و نظرة العين و ايماءات اليد كلها تغير قوانين اللعبة و هذا سبب ميولي للقاءات الحقيقية ، مستحيل أقارن ايموجيات بتعابير وجه حقيقي قدامي

“هذه مدونة شخصية غير تابعة لأي جهة أو أي شخص عداي أنا “

أواجه دائماً مواقف تتحداني أطبّق توجهاتي الفكرية مع مهنتي كطبيبة ، و أتعلم مع الوقت كيف أفرّق بين الاثنين بس مو لدرجة الفصل لأن هذا ضعف و مداهنة بايخة، تجربة العمل مفيدة جداً لاستكشاف النفس قبل العالم ، قوية و الأغلاط فيها قد تكون مؤلمة لكن الوقوف من جديد بإضافة جديدة للعقل و الروح بحد ذاته رائع رائع !

المحزن أن تشوف ناس لهم باع طويل في الحياة و باقي raw ، و احنا ك نواني ما نستفيد منهم الا وراثة أغلاط

دار نقاش فكري عن ظاهرة مجتمعية مع قريباتي و استدلت وحدة من البنات برأي “طبيب” و ردت قريبتي الثانية عليها ( الدكتور اذا الموضوع ماهو داخل اطار الطب يسكر حلقه ) 😭😭😭😂

بشكل عام , زي ما استدلت قريبتي برأي طبيب يعني هي جابت العلم من آخره و هذا شيء مخيف لي كطبيبة لأن الناس تعتبر أي شيء يقوله الأطباء حتى خارج الطب هو حقيقة علمية مافيها جدال و هذا غلط كبير.

مخيفة المسؤولية و مو فلاترنق لي و الله .

طبعاً الفصل بين الإثنين شيء مستحيل ، فكرك هو فكرك بالمستشفى و خارجه ، لكن الحل المُقترَح اننا نتقبّل الexposure لأشياء تتحدّانا و نشوف جميع الجهات و acknowledge them عشان نحصّل التوازن الحقيقي و الواقعي في سبيل اننا نكون خدومين زي ماهو متوقّع مننا

مره انضرّيت بقوة من شخصية ديبندنت و عممت رد فعلي على الكل ، يفشّل صراحة 🤡 و هذه التجربة وصلتني ل اني ما أربط عاطفتي بشغلي و الحمدلله اني أوير اينف عشان اتقبل ذا الغلط مني و أصلّحه , و هذا اللي خلاني أكتب تدوينة اليوم ، غريب كيف رد فعلي الأولي يكون شيء و بعد ما أستهدي بالله أشوف رد فعلي كان غير ناضج و خالي من سماتي العالية اللي بنيتها بجهد طوال السنين.
أنا و اللي بعمري على عاتقنا هذا الحمل وهو تذويب علمنا الطبي مع علمنا الاجتماعي و بناء وسَط ناضج بعيد عن الشخصنة و التحيز الفكري لأن حتى لو مو حابين ، إحنا الناس حاطيننا رول مودلز , و كلمة مننا ممكن تغير توجّه مجتمعي كامل , ما أتكلّم عن كيف نحافظ على صورتنا ، صورتنا الشخصية هذي نحطها بالمحفظة، أتكلم عن كيف نحافظ على مجتمعنا من أغلاط حالية ، مستقبلية ، كيف نتحمل المسؤولية اللي الناس اعطتنا عشان to fix the world حتى لو على حساب شخصنا .

الوعي نعمة تُكتسب و هي واجب على كل شخص لكن من زاويتي هنا أشوف انه عار طبيب\ة يخلطون بين توجههم الفكري و البراكتس , العالم مايدور حولنا فقط ، فيه آوت ذير عوامل و زوايا مختلفة عن عالمنا الصغير اللي بنيناه حولنا.. و العار أكثر هو طبيب\ة يستخدم المقامة اللي أعطاه المجتمع كسلاح يدافع فيه عن توجّه واهن مو مبني على و لاشيء غير تجربة شخصية.
تقبُّل ضرورة الexposure لشتّى اللحظات و الأماكن اللي تتحدّى قواعدنا هذا شيء بحذ ذاته جبّار و خطوة كبيرة نحو التحسين.
و إذا واجه شخص شيء تشالنجنق و تغلّب كبريائه على دوران عجلة التحسين فهو عقبة جاهلة ، آسفه لكم ياعقبات ان شاء الله تتخطون لول.

رأيان حول “تشخيص مو شخصنة

  1. صدقق احس الشخصنه تعدت كونها على الشخص لاا على وظيفته وحتى قبيلته اللي اصلا ما اختارها ويتطور الموضوع اذا احد من cousin سوا شي اذا احد تكلم عنه لازم يشملنا كلنااا يعني احس مره ماله دخل يعني تبي تشخصنهل شخصنها علي انا بس انا اللي تكلمت. ويسس عن موضوع التحكم قررت اخذ خمس دقايق قبل ارد على شي يعني احسه افكت مي وغالباا ردي يكون احسن واقدر اوصل مشاعري بدون ما اكون حبيسه اللحظه وبس ووالله كملي اللي قاعده تسوينه لاني مرهه استمتع اذا جاني تنبيه انك نزلتي في المدونه❤️❤️❤️

    Liked by 1 person

  2. الشخصنه دارجة بزياده وفي المقابل الناس الحين وغلط اعمم بس اني ملاحظه الاغلبيه من بعد السوشل الميديا صايرين يعممون النظره بزياده وليتها نظره فقط حكم ودخول في النوايا وقرائتها وغير كذا فعلا الدكتور والمعلم عندنا ان فكره ورأيه كلام منزل مقدس عندنا بزياده وهوممكن يكون على خطاء وأحس الانسان لابد منه احترام مهنته الرسميه ولا يطغي عليه ميوله فيها لانه في مكان رسمي وعمل محد فاضي لك وغير كذا انا اتفق معك في البارت الاول من خلف الشاشات مستحيل اتناقش مع احد وحتى تمادى الوضع وصرت معاد اتناقش مع احد كلن بعقله براسه يعرف خلاصه وبس ولله حبيبي طولت بس قلت اطلع مافي جعبتي 🧡🧡🧡

    إعجاب

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه:
search previous next tag category expand menu location phone mail time cart zoom edit close