شاورما نباتيّة ! 🌯

أموت في الشاورما خاصةً اللي تتسوي في المطاعم البلدية و الشوارع ، بس لأن فيها دجاج صرت أستغني عنها من بعد ماصرت نباتية .. حصل يوم و اشتهيتها و قررت أسويها ببديل بروتيني غير الدجاج !

الطعم كان رائع نفس الشاورما العادية بس مع دهون أقل بكثير حتى ما حسيت بثقل بعدها 💚

المقادير :

⁃ خبز عربي

⁃ توفو ( الكمية حسي الرغبة )

⁃ بهارات الشاورما ، لو ماحصلتوها جاهزة ف سووا المكس هذا : ملعقة كبيرة من كل من ( كمون ، بابريكا مدخّنة او حلوة ، بودرة زنجبيل ، كزبرة ناشفة ) و ملعقة صغيرة من ( فلفل أسود ، فلفل أول سبايس ، بهارات حلوه ، جوز الطيب ) اخلطوها و احفظوها عندكم للاستخدام كل مرة 🏺 .

⁃ بصل مقطع أعواد

⁃ بقدونس مقطع .

⁃ صلصلة ثوم ( أنا اشتريتها جاهزة )

⁃ مخلل خيار 🥒

⁃ زيت زيتون ( ملعقتين )

⁃ شطة و كاتشب حسب الرغبة .

الطريقة :

⁃ نحط الزيت و البصل على النار لحد مايتحمر البصل .

⁃ نقطع التوفو بمقشّرة البطاطس و نضيفه للبصل .

⁃ نضيف خليط البهارات و نحرك و نتركها تتشرّب النكهة و تنشف 🥘

⁃ نضيف البقدونس . و نشيلها من على النار .

⁃ ندهن الخبز بالثوم ، و نقطع مخلل الخيار و نحط حبة في كل ساندوتش .

⁃ نحط كمية من حشوة الشاورما .

⁃ نلفّها و نسخن الخبز لو تحبوها تكون دافية من برا .

⁃ انا أضفت بطاطس مقلي و ترا مو خيار صحي بس عشاني اشتهيته وقتها 😓🍟

⁃ بالعافية 🌯

( القيمة الغذائية )