مرحبًا ! 🧚🏻♀️
السوشيل ميديا بكل أنواعها ( انستقرام ، فيس بوك ، تويتر ، سناب تشات ، واتس آب ) صارت ضرورة في حياتي .. الدراسة ، الوظيفة ، نشر الأعمال الفنية و المتجر 👕🌼
فصار استخدامي اليومي لها أكثر من 15 ساعة باليوم و بشكل غير مفيد .
كنت متحملة لحد ما مرّيت بفترة ضغط كبيرة في حياتي و صار عندي موضوع فيه قرار مهم و حسيت إن تواجدي في البلاتفورمز قاعد يأثر على قراري و مو مخليني أركز ..
أخبار سيئة و تعرّض لجميع فئات المجتمع بكل أخلاقهم و هالشيء يضغط من جد .
أي لستة مهامّ أكتبها ما كنت أنجز منها شيء و أقضي الوقت على الجوال stressing about unnecessary things .
فقررت أبتعد عن أي شيء يسبب لي قلق و تشتت عشان أركّز في شيء واحد لحد ما أنهيه .
ما أعرف قد ايش كان استخدامي قبل أوقف ماشيكت على السكرين تايم لكن بعد التوقف نزل بنسبة ٣٠٪ تقريباً ، و استخدام تطبيقات القراءة و الcreativity كان أكثر من السوشيل ميديا .
طريقتي كانت عبارة عن حذف التطبيقات نهائياً مو مجرد تسجيل الخروج منها ، احتفظت بواتس اب لأني اعتمد عليه في التواصل اليومي عشان أشياء كثير في الدوام ، و تويتر فقط عشان الدي ام و طلبات التيشيرتات .
أكملت اسبوعين و كمية الراحة و الانجاز كبيرة .. صفى ذهني و قدرت أقرر في أموري بعيداً عن أي تشتت .
السلبية اللي كنت أتعرض لها خاصةً من تويتر حتى و أنا مسوية ميوت و بلوك لكل شيء يضايقني جداً تخلصت منها و ارتحت ، حسيت إنه مايسوى الصدق 🌞
الإحساس اني مجبورة أوثّق كل شيء في حياتي و أعرضه للعامة و انتظار حكمهم قلّ و تخلصت منه و كان أحسن شيء صار .
قرأت كتابين ، كتبت تدوينتين ، صار عندي وقت أتفرّج افلام و مسلسلات و قررت بخصوص وظيفتي و انتظمت في الدوام و تحسّنت جودة نومي .
أعتقد أني كل شهر رح أقضي أسبوعين ديتوكس حتى أتعوّد و أقلل ساعات استخدامي لأقل عدد ساعات ممكنة و أنظم وقتي .
اكتشفت انو المشكلة فينا مو في التطبيقات و محتواها. احنا (نهتم) ايش قلعة يصير فيها بس لما نحاول نستخدمها لنا لانفسنا بالعكس تصير حلوة و مفيدة و ممكن ما تضيع الوقت بعد
إعجابLiked by 1 person